|
|||
|
|
|||
|
Cynlluniau at y dyfodol ‘Martha Drafferthus’ gan Iola Ynyr Prosiect Theatr mewn Addysg Cyfnod Sylfaen – Blwyddyn 1 a 2 Wedi i deulu Gwen gael cath fach newydd mae bywyd yn y cartref yn cael ei droi ben i waered. Mae gan bob aelod o’r teulu ddisgwyliadau o rôl Martha o fewn y cartref ond nid yw yn natur y Mae Martha wedi ei chaethiwo yn ei gwewyr emosiynol ei hun wrth iddi hiraethu am ei mam. Yn raddol bach datgela’r Gyda dyfodiad Martha, mae deinameg y teulu yn newid gan orfodi i bawb ail ystyried y modd y maent yn trin ei gilydd. Trwy gymeriad chwareus a chwilfrydig Martha’r Dyma berfformiad fydd yn dathlu sut y gall cyfeillgarwch ffurfio a ffynnu mewn awyrgylch o barch at anghenion a theimladau eraill. Comisiynir cerddoriaeth wreiddiol yn gefndir i’r perfformiad i annog y disgyblion i ddehongli nid yn unig y ddeialog ond hefyd iaith gorfforol y cymeriadau. Bydd ‘marionette’ bychan yn cael ei ddefnyddio i gynrychioli cymeriad Martha. Amcan hyn fydd ceisio cyfleu mewn modd gweledol sut y gall dylanwad unigolyn effeithio’n uniongyrchol ar ymateb a gweithredoedd eraill. Bydd y prosiect yn cael ei sylfaenu ar egwyddorion Cwricwlwm ‘Ysgol Dina’, Carolyn Webbster-Stratton, gyda Rhiain Gwyn, Cydlynydd Prosiect ‘Incredible Years’ Webbster-Stratton, ( Cyngor Gwynedd ) yn ymgynghori yn ei ddatblygiad. Eisoes mae aelodau o staff y Cwmni wedi bod yn arsyllu sesiynau o gyflwyno ‘Ysgol Dina’ i ddisgyblion blwyddyn 1. Mae’n fwriad gan y Cwmni barhau i wneud hynny ac ymgynghori yn glos ag athrawon ynglŷn â datblygiad y prosiect. Drwy gyfrwng y perfformiad a’r gweithdy dilynol, bydd y disgyblion yn cael eu hannog i adnabod emosiynau ac i werthfawrogi safbwyntiau eraill. Byddwn yn adeiladu ar un o brif nodweddion cynllun Webbster-Stratton o arfogi’r disgyblion i ddatrys problemau emosiynol dyrys ac i ddeall oblygiadau eu penderfyniadau. Bydd y prosiect yn cael ei gynnig i 35 o ddisgyblion ar y tro er mwyn caniatáu i’r plant fynegi eu teimladau mewn awyrgylch cadarnhaol a diogel.
C’laen gan Iola Ynyr Prosiect Theatr mewn Addysg ar gyfer disgyblion Bl. 5 a 6 Yn dilyn ceisiadau niferus am brosiect ar gyfer Blwyddyn 5 a 6 yn delio â bwlio, penderfynwyd atgyfodi ‘C’laen’. Bwriedir ail-edrych ar y sgript ar ôl ymgynghori â disgyblion o’r oed targed ynghyd ag arbenigwyr proffesiynol ynglŷn ag unrhyw newidiadau mewn patrymau bwlio, yn arbennig o ystyried datblygiadau technolegol mewn cyfathrebu. “Mae Manon yn gymeriad unig sy’n gwneud bywyd pawb yn annifyr. Llwydda i berswadio Iwan a Dewi i ymuno â hi mewn safle adeiladu tai gyda’r bwriad o ddewis un yn ffrind. Penderfyna’r ddau gytuno i’w chyfarfod oherwydd apêl ei hymddygiad eithafol. Yn y pen draw, dyhead y tri chymeriad yw’r angen i alw rhywun yn ‘ffrind’. Gwelir faint mae’r tri yn fodlon mentro cyn i’r sefyllfa fynd yn rhy bell.” Cyflwynwyd perfformiad oedd yn gosod sialens i’r gynulleidfa o ran y ddeialog ac yn ddelweddol. Roedd y cwmni yn benderfynol o fynd i’r afael â chymhlethdod bwlio yn wyneb y ffaith bod y mwyafrif o rai sy’n cael eu bwlio yn datblygu’n ‘fwlis’ yn y pendraw. Yn y gweithdy dilynol cafodd y disgyblion gyfle i herio ymddygiad Manon mewn modd gwrthrychol a diogel. Profodd y gweithdy fod y perfformiad wedi cyffwrdd â dioddefwyr a bwlis wrth i gymeriad Manon gael ei beirniadu a’i chefnogi. Y gobaith yw bod y cyfle hwn wedi rhoi’r hyder iddynt ddelio hefo’u problemau dyrys eu hunain. “Roedd y prosiect yn ymarferol a hynod effeithiol ac addysgiadol ac yn delio yn sensitif â a materion dyrys ac anodd sy’n rhaid eu codi hefo plant.” Rhys Glyn – Ysgol y Gorlan, Tremadog. “Teimlais fod y plant wedi gwrando ac wedi deall y neges. Mae’n werthfawr iawn cael cyfle i wel perfformiad proffesiynol sydd yn newid llwyr o gyflwyniad athro.” Sioned Williams – Ysgol Llanllechid. “Roedd yn ardderchog. Mae theatr mewn addysg yn llwyfan i drafod pynciau fel bwlio sydd o bwys ym mywyd bob dydd y plant.” B Jones – Ysgol Fali Beichiogrwydd / Iechyd Rhywiol Prosiect Theatr mewn Addysg ar gyfer disgyblion Blwyddyn 8 Bydd awdur yn cael ei gomisiynu i sgriptio perfformiad ar gyfer disgyblion Blwyddyn 8. Bydd ffocws y prosiect yn deillio o ymgynghori gyda chydlynwyr cynllun Ysgolion Iach cyngor Môn, Gwynedd a Chonwy ynghyd â thrafodaethau gyda phobl ifanc. Rhai o’r ffactorau a drafodwyd yn barod yw meithrin Bwriad y prosiect yn ei gyfanrwydd fydd trafod addysg rhyw a pherthnasoedd mewn modd agored a chyfrifol gan annog pobl ifanc i wneud penderfyniadau synhwyrol a gwybodus yn ystod eu bywydau. . |
